Day1 2022-12-05
一到埗出去覺得天氣凍左 大約零度🥶 第一日晚去左東大門食韓牛 好食！ 職員見我地唔熟手會走黎幫手 😋😋😋
Day2 2022-12-06
首爾市區遊走 食左雪濃湯😋 任食超平豚肉😋 重有廣藏市場既紅豆冬甩☑️綠豆煎餅❌魚糕湯☑️ 室外既市場 啲櫈有強勁發熱功能 再坐耐啲燒着都似：0） 去左梨花洞睇壁畫 上左Seoul City Wall 好凍🥶好多靜電⚡ 要戴手襪冷帽飲熱野 韓國好多小新野賣！ 卡通入面既Monaka雪糕都有得賣~ 執行李走人了
Day3 2022-12-07
春川 距離首爾兩個鐘車程🐢 黎呢度住幾日 因為黎緊會去滑雪同南怡島~ 呢度荒蕪啲 亦都凍啲 搭左好耐車 黎到好肚餓 即刻搵間有韓國地道食物既餐廳😋 一有肉食 就會配上一系列小菜🥗 然後去行唯一既商圈 如果想買HBAF果仁 黎呢度就岩了 平過首爾好多 去左Coffee shop休息☕ 夜晚去左食春川必食既炒辣雞😋😋😋 辣得黎好好食 職員會過黎我地張枱度炒 重有個芝士炒飯卷 好正！ 最後就係去樂天百貨公司 春川所有既高樓大廈都係呢個區域🌆🌇🌃
Day4 2022-12-08
南怡島一日遊🏝️ 朝早由春川搭火車去 比當地人問點增值交通卡😂 去到趕唔切架Shuttle 唯有行路入去 朝好凍 好彩買左熱飲☕ 南怡島門口掛住香港旗🇭🇰 原來係指每週最多遊客黎既國家~ 網上買左入場券 可以搭船入去🛥️ 島上面好多好靚既景點 Sonata Café既Hotteok snowman pancake好好食~ 孔雀行黎行去想偷食🦚 去一間叫南門既韓式餐廳食完野行多陣就走人 搭船出去然後搭Shuttle去小法國村🇲🇫 買入場券時買左塊布 可以入去搵印仔吸 吸夠一定數量後出番黎就可以換禮物 禮物原來特別版小法國Postcard兩張🧙 晚上回程 架Shutte超Chok 出面都好凍😷😷 番到去春川 上網即時搵左間附近既韓式餐廳食 個冷面好好食! 腩肉都好正~😋😋 番到去check in 間套房 有62”大電視 入面重有LG乾衣消毒機 太誇張了🤤🤤
Day5 2022-12-09
LEGOLAND🧊 朝早得番負一度 開始凍了🥶 食完早餐出發趕火車 好彩趕到 不過去到春川站就唔見架Shuttle 原來又要等多45分鐘先有下架🤮 一去到LEGOLAND之後就落冰雹🌨️搭搭聲 可能因為太凍同新開 所以冇咩遊客 100人都未必有😂😂 加上原來冬天接近所有機動遊戲都關閉 所以門票都平啲 裝定佢個APP先入去玩會方便搵野好多 個Kai's Apple Fries好好味~🤤 入面都幾靚有啲表演活動 有啲LEGO人走出黎合照 套4D電影睇到成身濕晒🤒 最後重有聖誕樹亮燈儀式🎄 夜晚去左食元祖炭烤雞排🐔 有兩間元祖鋪 一間係翻版！ 呢間真既老店 係要自己用炭燒雞排 坐地下食 不過最後職員見我地搞唔掂 都係過黎幫手燒晒佢😂 最部都好好味！🤤🤤🤤 我地食食下想要碗同水 未出聲問佢都即刻自動拎黎 超勁😂 呢度買韓國雪條雪榚好平 為起５蚊一條🍧🍨🍦
Day6 2022-12-10
滑雪⛷️ 對上一次滑雪已經係三年半前😂 今次去左伊利希安江村滑雪場 主要教女朋友滑🎿 第一次係韓國滑 啲雪服好多都好靚 借鞋果時工作人員唔信我size4字頭 莫非韓國仔啲腳好細？🥴 去餐廳食野 冇帶現金黎 啲機收信用卡但唔接受國外既 餐牌冇英文 點做遊客生意🤒 好彩搵到酒店間CAFE收 今日最後一日係春川 晚上又要搭2個幾鐘車番首爾🐢攰死 係酒店休息陣就去食橋村炸雞🐔 隔離有對香港情侶 雞食左幾件 杯酒飲左兩啖就唔要🥴剩係要個氣氛 不過啲雞好飽 好味😋😋😋
Day7 2022-12-11
今日終於有時間行下街🐢 第一次搭韓國巴士 上落車都要拍卡💸 去左食豚壽百 超多講中文既人 就連待應都識中文 重有中文menu🇭🇰 叫左個豬肉餅拼水冷面同豬肉湯飯 好好味同好平 人均大約$50😋😋 然後去弘大行街 重特登去左弘大棒球練習場⚾ 對上一次黎韓國都有去(五年前) 依家已經變左自助形式💰 然後去南大門 同明洞 夜晚食明洞亭傳統宮庭料理 係好多款唔同既韓式宮廷料理😋 超多野食 味道都唔錯 重有和服着👘 食飽行下街 番到酒店睇小新 韓國好hit 周街都係佢既商品🤩
Day8 2022-12-12
今日去愛寶樂園！🎠🎡🎢 即係韓國既海洋公園 網上Book定Shuttle去最快最方便 明明今日平日都唔知點解好多學生🥴 入面好多機動遊戲玩😋 過山車 碰碰車 海盜船 倒轉版過山車 鬼屋 VR射擊遊戲 氣墊滑雪之類咩都有 啲工作人員會不斷講野 跳晒KPOP帶動氣氛💃 靜靜地既有4DX影院🎦 又有超大動物園 睇獅子、老虎、長頸鹿、大象、斑馬、豹等等🦁🐅🦒 睇完再玩 Fing到想嘔🤮 然後開始落雨就走人 去左明洞行夜市 食串燒扭薯片炸芝士捲糖餅 食完再去食甜品 呢間Sulbing (설빙 명동점)推介！🍨🍧 好好味！ 食完都係肚餓 唯有去M記買左個韓式醬牛肉burger🍔
Day9 2022-12-13
今日去左景福宮 點知原來星期二唔開🥴 Lunch去左土俗村蔘雞湯😋 上次黎韓國已經想去 不過miss左 唯有今次去番 一黎到會上一小杯人參酒比你🏺 叫左兩款參雞湯 都好好味 湯入面有全隻雞+栗子+松子仁+白果+紅棗+人參一條😋 食完出到去落雪！🌨️ 然後重越落越大⛄ 去左三清洞同北村韓屋村 睇古代建築 超凍既一日🥶 好彩冇借到韓服着 然後去益善洞搵間cafe飲野 超攰同凍 要休息訓下教☕ 飲完野番去休息一陣 然後重新出發去弘大 聽日就走 要作最後衝刺 去左間紅色商戶Tax free店 原來買夠30000WON先平3000WON🥴 買完野已經九點 去左間叫做江南豬商會無限供應弘益大學店既餐廳🤤 任食豬牛 重有翠肉瓜豆腐大醬湯 食兩個鐘 每人先$90左右 平到笑🤩🤩🤩
Day10 2022-12-14
Last Day🐢 今日超凍 負十度🧊 終於早到起身出去食早餐 去左一早想去既本粥🍚 叫左個牛肉磨菇粥同烤牛肉章魚粥 好好味同好足料🤤推介 食完再去超市買手信 好多香港都有得買 最後行埋仁寺洞就走人啦 見到個韓國藝人拍節目 趕去機場 好彩個幾鐘就到 都算快 Check in完食啲野 行下免稅店就上機✈️ 終於番到香港！！要做一系列多餘既檢疫 首先上機前要做自我申報 然後每人拎個綠色狗牌~然後嘟網上個QR code 然後撩鼻~然後可以掉左個牌佢 然後成功入境！🥴 搭A車番去🏎️ 完🇰🇷
STSK Travel Blog 