201912 🇱🇦 Laos 寮國 (Vientiane永珍+Vang Vieng萬榮+Luang Probang龍坡邦) 📝🎬

終於黎到最後一日
咁就係度Hea左兩日，今晚要搭長途車番泰國


叫Hostel廚房整左個公仔面


湄公河


的士


市區被湄公河包圍，過河要行竹橋

聽講呢度係保護區，所以唔可以起實橋，每次落完大雨爛左又要起過



過路費10000Kips


地太多要賣比支那人，相反香港。。。



過河原來是冇野睇 ，只係貪過癮行下條竹橋，行完就可以番去啦


沿住大街會經過好多寺廟






豬肉炒飯

點解我成日食炒飯呢， 因為真係冇咩特別野食

比較有特色既包括：
Fruit Shake、寮式米粉湯、春卷、法棍、炭燒椰汁糯米糕、Crepes、Pancake


龍坡邦皇宮外的寺廟


Google Translate?



是時候起程去邊境會晒，要訓呢架車12個鐘

車頭重有個阿仙奴logo，非常易認


呢張單就係我唯一既憑證啦

右下角寫住去清萊，但去到會晒要點搵人幫手去邊境同過關同去清萊？完全不知

睇番兩日前既遊記，我買既係一車訓到會晒，再轉Shuttle bus去清萊，價錢比剩係去到會晒既
貴100000Kips

我問車我黎車站同比飛我果位TukTuk司機去到會晒要點做，佢話大巴司機會幫你架啦

ＯＫ！



訓教巴士

之前去越南試過一次訓教巴士，但果款係雙層座位，只不過leg room比較長咁解，我果時諗你不如放張碌架床上車比我訓重好啦，果然今次比我遇到

兩人一張床，你單丁既話佢會安排個同性既比你架啦 （希望係）

格離個當地人好瘦，所以我訓得好舒服

當地人就算三唔識七都會係車上一齊吹水，但佢同其他車上寮國人都好好奇點解佢地搭車都有講有笑，但我就一直唔出聲 ，問落先知我唔是本地人

佢話我個樣似本地人，搭tuktuk可以呃到人用可以本地價！

佢幾好人幾照顧我，佢工作就係帶私人團搭slow boat去龍坡邦，slow boat三日先到，到左之後佢就搭呢架車番會晒帶另一團

因為車上啲司機係咁傾計好嘈，全晚唔算訓得好好



辣豬肉粉20000Kips

兩個鐘後到餐廳， 拎左碗粉之後佢唔得閒收錢，唯有食完先比佢

食完我比錢佢，佢望住我唔知我做咩 ，我話我未比錢，但佢又唔識聽英文

好彩兌多左寮幣，車上幾個外國人都冇晒錢冇得食。留意番，除左呢餐之外，去邊境重有程Tuk Tuk，同埋過關重有程巴士要比錢（8000Kips），但過左關去泰國之後個匯率係超級差（１：３００ｖｓ１：８０），所以留番少少就好啦

我之後過關冇Kips唯有硬用美元，重要唔靚唔收，但就找左啲垃圾咁款既美元比我攞，香港銀行都話唔收

去到山上得十度以下都 幾凍下，而山上是好大霧的，所以要有三個司機

一個揸車，一個拎毛巾抹車窗，一個睇住安全

開到山上某個位，又遇到撞車

廁所方面，除左果間餐廳之外，其他時間都係就地解決



搭左十二個鐘終於到會晒

同行買左飛去泰國既人完全唔知點樣好，問人架shuttle幾時黎居然冇人知

有一個人話叫我地等下， 等左十幾分鐘都冇人黎，外國人就搭TukTuk走了

而我就繼續，一等等左一個鐘 ，但重係冇車，重有啲肚痛咁囉

最後決定行５公里過去關口（唔搭TukTuk係因為我已經冇晒Kips），似係被違棄了



中國開既華文學校

係咪好事？對當地人黎講應該係，因為可以學到普通話，又可以識到中國人，可以增加就業機會
但亦會增加被洗腦機會

睇間學校既FB，暑假有得去中國邊境雲南西雙版納玩，好似幾開心

但支那人係信唔過的




行到４公里左右有私家車靠近，問我係咪去清萊

佢：Come, I am the pickup.
我：Why so late?
佢：I can’t see you there.

屌你咩巴士站果度得十丁友，重要網球場咁細，你未見過我梗係cant see shit la　


係度遇到個同agent既以色列人一齊過關，講左好多以色列野比我知

佢過關雖然有免簽，不過要搞好多手續好多文件，還是香港方便



呢張就係飛

過左關等車，非常餓又冇餐廳，好在以色列人有oreo！

話說係度搭車去清萊， Tuktuk60+巴士65baht，而我架面包車pickup就100000Kips，即係40hkd同90hkd既分別，由係會晒落車到到係關口上車出發用左成三個鐘，等好耐但舒服啲

下次都係唔好貪方便，特別係星期六日冇直達車果時，應該搭訓教巴士去邊境會晒就算

之後再自己搭TukTuk/行去過關，之後就搭TukTuk去火車站，然後買飛坐巴士去清萊，又快又平


「係落後國家就係咁，都唔知做左啲咩去解決，但係唔知做咩同唔知點解之後又會順利完成！」

＞＞＞接下來請看泰國遊記