201912 🇹🇭 Thailand 泰國 (Bangkok曼谷+Nong Khai廊開+Mae Sai美塞+Chiangrai清萊+Chiangmai清邁) 📝🎬

今日參加左KKDAY曼谷經典一日遊

泰國導遊叫 阿本，啲普通話重好過我

9點出發！一團二十人左右，大部份都係台灣人，而架旅程巴都幾舒服！

有諗過自己坐巴士去，不過太麻煩都係不了



第一站水上碰碰船—丹能莎朵水上市集

呢條係人工運河黎，以前冇車就用佢黎運貨


丹能莎朵水上市集塞船應該是全世界獨有吧？

聽講平日冇咁塞的，但今日一樣好塞

正！



想買野就叫船長停一停就得，全部over price，所以要講價到三折



第二站樹中廟

廟因被樹包圍而得名



求平安求財運求姻緣



求生日快樂



泰拳公園

啲印度人好撚痴線
三個廁所一條隊集中排，條友直接排去其中一個廁所度，叫佢排隊佢話你地咁排冇效率
冇佢乎



第三站—鬥快開檔收檔表演（美功鐵路市集）



沿住火車路軌既街市，每次有火車到站就要收檔，火車一走就九秒九開檔






25baht一杯Milo冰

幾好飲同好平，但我懷疑啲冰唔乾淨，令我第二日發燒



火車到站了

到站前幾分鐘會有廣播，檔主就開始執野，然後火車黎到前一刻就收檔

睇完呢個奇景之後就去食lunch先，食完之後坐火車走



牛肉米粉


美功市場雖然多遊客，但個價都幾平民下，當地人都會黎買野，所以唔使講價



泰式奶茶

之後就去搵導遊拎火車飛，佢都係即場幫我地買，大家自己去既話都可以去車站買！但搭完唔知點番去！（其實冇人Check飛）



搭火車走Lu

平日版既KKDay/KLOOK團都包埋搭火車離開既車飛，比你體驗火車埋站之餘，重可以係車上睇火車離開既境況

得平日先有架！

張飛好貴，只係3baht一張



火車離開既情況就係，好似球迷歡迎球員咁

搭一個站十分鐘左右就落車，然後上旅遊巴離開，非常方便！

但若果你冇聽導遊指示而冇落車的話，你一樣番到去既。。。
而以往都有人試過

你要先坐一個鐘到總站，再搭船過海，再搭多程火車先到市區

導遊話你會熱死先過悶死



佢就係泰國導遊阿本

屬於KKDAY，個人非常有趣，重識流利普通話同少少廣東話

第日你地報KKDAY遇到佢，同佢講有條香港傻鳩搭火車去寮國，佢應該會記得我

司機咁岩夜晚要開車去接壤寮國既邊境廊開，如果我唔係買左火車票，我會直接衝上車

同阿本傾左陣香港同泰國既示威之後就走了，原來佢地以為香港示威已經完結左



係街邊食左個雞飯，又是一個疑似令我發燒既原兇



曼谷火車站Hua Lamphong

今晚去邊境城市廊開，八點開車六點半到，早一日買火車飛比較好，因為都多人搭！

個站都幾凍下，等左差唔多一個鐘就上車！



新款訓教火車

上到車搵位坐

對！是坐

我重on99諗住爬上去上層，原來頭一個鐘係齊齊坐下面



然後就有工作人員幫你鋪床

評價：火車新淨，張床都ok，類似中國動臥同俄羅斯二等臥，重有支免費水比你，同埋可以叫餐，佢會送過黎！

訓教評價：冷氣超凍！而個設計係on9，佢同中國新款果隻一樣，中間走廊左右兩邊係床，即係你張床同火車行車方向一樣，而因為火車永遠都係左右震動，輕則chok親條頸，重則chok埋你落地

都係舊式果款好 ，因為你個頭最多上下chok，唔會有事